Պատմություն և ժառանգություն
Անուն, որի հետևում
երեք սերնդի պատմություն է
Մալայան ազգանունը հայկական ակնաբուժության հետ կապված է 1978 թվականից։ Ալեքսանդր Մալայանի անվան տեսողության կենտրոնը շարունակում է այդ պատմությունը՝ պահպանելով տարիների ընթացքում ձևավորված մասնագիտական արժեքները։
-
1978
Կենտրոնը, որտեղից սկսվեց ամեն ինչ
Սերգեյ Մալայանը Երևանում հիմնադրում է ակնաբուժական կենտրոնը։ Այն դառնում է Հայաստանի ազգային ակնաբուժության կենտրոնի իրավահաջորդը և հետագայում կրում է նրա անունը։
-
1992–2020
Ալեքսանդր Մալայան
Պրոֆեսոր Ալեքսանդր Մալայանը 1992–2020 թթ. ղեկավարում է Ս. Վ. Մալայանի անվան կենտրոնը, իսկ մինչև 2022 թ. գլխավորում է ակնաբուժության ամբիոնը Երևանի պետական բժշկական համալսարանում։ Նրա օրոք կատարակտով բուժառուները հիվանդանոցում մեկ շաբաթ մնալու փոխարեն սկսում են նույն օրը տուն վերադառնալ։
-
2004–2020
Զարա Մալայան
Շուրջ տասնվեց տարի Զարա Մալայանը Ս. Վ. Մալայանի անվան կենտրոնի փոխտնօրենն է՝ հասարակայնության հետ կապերի, արտաքին շուկաների և մարդկային ռեսուրսների կառավարման ուղղություններով՝ ունենալով որոշիչ ձայն կենտրոնի զարգացման ուղղության հարցում։
-
2023
Նոր կենտրոնի հիմնադրումը
Զարա Մալայանը հիմնադրում է Ալեքսանդր Մալայանի անվան տեսողության կենտրոնը՝ ի պատիվ իր հոր և նրա սահմանած մասնագիտական չափանիշները շարունակելու նպատակով։
«Նախ եղի՛ր լավ մարդ և քաղաքացի»։
Այս խոսքերով նա դիմում էր իր ուսանողներին՝ նախքան մասնագիտության և վիրաբուժության մասին խոսելը։ Այսօր կենտրոնը կրում է նրա անունը՝ շարունակելով նրա մասնագիտական և մարդկային արժեքները։
Կենսագրություն
Ալեքսանդր Սերգեյի Մալայան
ՀՀ վաստակավոր բժիշկ, բժշկական գիտությունների դոկտոր, պրոֆեսոր
1984–1988 թթ. Ալեքսանդր Մալայանը Հայաստանում առաջին անգամ կլինիկական պրակտիկայում ներդրել է տեսողության վերականգնման միկրովիրաբուժական հիմնային մեթոդները՝
- Կատարակտի հեռացում արհեստական ոսպնյակի տեղադրմամբ
- Կատարակտի հեռացում ուլտրաձայնային մեթոդով՝ ֆակոէմուլսիֆիկացիա
- Ներքաշվող եղջերաթաղանթի փոխպատվաստում՝ կերատոպլաստիկա
- Վիտրեկտոմիա
- Դակրիոցիստոռինոստոմիա և այլն
Պաշտոններ
- 1984–2018
- ՀՀ առողջապահության նախարարության գլխավոր ակնաբույժ
- 1992–2020
- Սերգեյ Մալայանի անվան Ակնաբուժական կենտրոնի հիմնադիր տնօրեն
- 1992–2022
- ԵՊԲՀ «Աչքի հիվանդություններ» ամբիոնի վարիչ
- 1996-ից
- Հայ-ամերիկյան մարդասիրական ծրագրի բժշկական տնօրեն
- 2012–2021
- Հայաստանի ակնաբույժների ասոցիացիայի նախագահ
Պարգևներ և կոչումներ
- 2006
- Մխիթար Հերացու անվան ոսկե մեդալ
- 2012
- «Հանուն խաղաղ Կովկասի» անվան ոսկե մեդալ
- 2015
- Հայաստանի Հանրապետության վաստակավոր բժշկի պատվավոր կոչում
Գիտական աշխատանքներ
Ալեքսանդր Մալայանը հեղինակ է 150-ից ավելի գիտական աշխատանքների, 10 ռացիոնալիզատորական առաջարկությունների, 4 դասագրքի, ինչպես նաև հայերենով ակնաբուժության դասագրքի՝ «Անհետաձգելի ակնաբուժական օգնություն»։ Համահեղինակ է «Ռազմադաշտային ակնաբուժություն», «Նեյրոօֆթալմոլոգիա», «Comprehensive Eye examination» ուսումնական ձեռնարկների։
Հեղինակել է 5 մեթոդական հանձնարարականներ և 1 մենագրություն՝ «Տեսողական օրգանի վնասվածքները երկրային աղետների ժամանակ» թեմայով։
Ա. Մալայանի անմիջական ղեկավարությամբ պաշտպանվել են բազմաթիվ դոկտորական աշխատանքներ և թեկնածուական թեզեր։
Մեր արժեքները
Ոչ միայն անուն, այլև պատասխանատվություն
Ժառանգությունը մեզ համար նախ և առաջ պատասխանատվություն է՝ պահպանելու այն մասնագիտական մոտեցումն ու արժեքները, որոնց հետ տարիներ շարունակ կապված է Մալայան ազգանունը։
-
Ճշգրիտ ախտորոշում՝ առաջին հերթին
Ցանկացած բուժում սկսվում է խնդիրը ճիշտ հասկանալուց։ Այդ պատճառով կարևորում ենք մանրամասն հետազոտությունն ու ժամանակակից ախտորոշիչ հնարավորությունների ճիշտ կիրառումը։
-
Գիտելիք, որը փոխանցվում է
Բժշկությունը մշտապես զարգացող մասնագիտություն է։ Մենք կարևորում ենք փորձի, գիտելիքի և մասնագիտական մշակույթի փոխանցումը նոր սերնդին։
-
Ուշադրության կենտրոնում միշտ բուժառուն է
Հետազոտություն՝ առանց ավելորդ շտապելու, խորհրդատվություն և պարզ բացատրություններ և ուշադրություն յուրաքանչյուր բուժառուի անհատական կարիքներին։
Ունե՞ք հարցեր
Զանգահարեք, և մենք կպատասխանենք ձեր հարցերին ու կառաջարկենք հետազոտության հարմար ժամ։