Ճշգրիտ ախտորոշումը ցանկացած բուժման հիմքն է։ Կենտրոնում հասանելի են աչքի հետազոտության ժամանակակից մեթոդները՝ մեկ այցի շրջանակում։
Հետազոտության մեթոդները
Ցանցաթաղանթի, տեսողական նյարդի և եղջերաթաղանթի շերտ առ շերտ պատկերում՝ առանց միջամտության և ցավի։ Կիրառվում է գլաուկոմայի, դեղին բծի և դիաբետիկ փոփոխությունների ախտորոշման ու վերահսկման համար։
Վիտրեոռետինալ ախտորոշում՝ ցանցաթաղանթի շերտազատման, դեղին բծի փոփոխությունների և դիաբետիկ ռետինոպաթիայի վաղ հայտնաբերման համար։
Տեսադաշտի հետազոտություն՝ գլաուկոմայի և տեսողական նյարդի հիվանդությունների վաղ նշանները հայտնաբերելու համար։
Ուլտրաձայնային հետազոտություն՝ աչքի ներքին կառուցվածքները գնահատելու համար, երբ ուղղակի զննումը հնարավոր չէ։
Եղջերաթաղանթի մակերևույթի քարտեզագրում՝ կերատոկոնուսի ախտորոշման և ոսպնյակների ընտրության հիմնական մեթոդը։
Աչքի առաջային խցիկի անկյան զննում՝ գլաուկոմայի տեսակը որոշելու և բուժման մարտավարությունն ընտրելու համար։
Իրականացվում է պնևմոտոնոմետրիայի և Գոլդմանի ապլանացիոն եղանակով՝ գլաուկոմայի հայտնաբերման և վերահսկման համար։
Բորբոքային հիվանդություններ
Կենտրոնում ախտորոշվում և բուժվում են աչքի և կոպերի բորբոքային հիվանդությունները։ Բուժումը նշանակվում է հետազոտությունից հետո՝ ելնելով բորբոքման պատճառից և ծանրությունից։
Աչքի կարմրության, ցավի, լուսավախության կամ տեսողության հանկարծակի վատացման դեպքում անհապաղ դիմե՛ք ակնաբույժի։
Հաճախ տրվող հարցեր
Տևողությունը կախված է նշանակված հետազոտությունների ծավալից։ Ճշգրիտ ժամանակը կհաստատվի գրանցման ժամանակ։
Ոչ։ Հետազոտությունների ցանկը որոշում է բժիշկը՝ ելնելով գանգատներից և նախնական զննման արդյունքներից։
Ոչ։ Հետազոտությունն անշփում է, սարքը չի հպվում աչքին։ ՕԿՏ-ն օգտագործում է լույսի ալիքներ, ոչ թե ռենտգենյան ճառագայթում։
Առանձին լողացող կետերը հաճախ տարիքային փոփոխություն են։ Սակայն դրանց հանկարծակի ավելացումը, լույսի բռնկումները կամ տեսադաշտում «վարագույրի» զգացողությունը պահանջում են անհապաղ հետազոտություն։
Հատուկ նախապատրաստում չի պահանջվում։ Բբի լայնացման դեպքում խորհուրդ է տրվում այդ օրը մեքենա չվարել։
Զանգահարեք, և մենք կասենք, թե որ հետազոտություններն են ձեզ անհրաժեշտ։